Miché

7 Malè pou mwen ! Man kon an moun ki apré larékòlt épi apré grapiyaj pa ka touvé piès grap rézen pou manjé, ni piès fig ki rivé avan lè, i té anvi manjé. 2 Moun ki fidèl disparèt anlè latè ; pa ni an nonm ki dwèt. Yo tout ka monté konplo pou fè san koulé. Yo chak la ka kouri dèyè frè’y épi an filèt pou trapé’y. 3 Lanmen-yo filé pou fè sa ki mal ; prens-lan ka ègzijé, jij-la ka mandé lajan, gwo-tèt la sé sa i lé i ka fè, é yo tout ka fè sa ansanm. 4 Pli bon an adan yo kon pitjan, tala ki pli dwèt-la pli mové pasé an touf pitjan. Jou sé véyè-a ké vini, jou-a ou ké pou rann kont. Alò latranblad ké pran yo. 5 Pa apiyé anlè an kanmarad é pa fè piès bon zanmi konfians. Prangad sa’w ka di fanm-lan ka dòmi an bra’w. 6 Pas gason-an ka méprizé papa’y, tifi-a ka lévé doubout kont manman’y, bèl-fi a kont bèl-mè’y ; lènmi an moun adan pwòp fanmi’y. 7 Men mwen, man ké rété la ka atann Jéova. Man ké atann épi pasians Bondié-a ki ka sové mwen. Bondié-mwen ké tann mwen.