Akt

10 Sézaré té ni an nonm, non’y sé té Kòwnèy, i té ofisié adan sa yo té ka kriyé twoup italièn-lan. 2 Sé té an adoratè ki té ni lakrent Bondié ansanm épi tout moun ki té lakay-li ; i té ka fè anpil don ba sé maléré-a épi i té ka sipliyé Bondié tout lè. 17 Sa fè Piè soté, épi i rété la ka mandé kòy toujou ki sans vizion-tala té ni. An moman-tala sé nonm-lan Kòwnèy té vréyé a, aprézavwè yo té chèché sav koté Simon té ka rété, prézanté kòyo douvan lapòt-li. 25 Lè Piè rivé, Kòwnèy vini jwenn li, tonbé an pié’y épi mété kòy ajounou douvan’y. 26 Men Piè lévé’y épi i di : « Mété kòw doubout ; mwen menm tou, man sé an nonm. » 28 I di yo : « Zòt sav bien an Juif pa ni dwa frékanté an moun ki pa Juif, pa menm bòdé bò an moun konsa. É poutan, Bondié montré mwen fòk pa man di : “An moun pa sen.” 29 Mi sé pou sa man vini lamenm lè yo vini chèché mwen. Atjèlman, di mwen poutji zòt fè mwen vini. » 34 Alò Piè koumansé palé. I di : « Aprézan, man ka konprann poubon Bondié pa ka fè préférans, 35 men i dakò épi tout moun ki ni lakrent pou’y épi ka fè sa ki jis, kisiswa nasion’y. 38 Sé di Jézi yo té ka palé ki té moun Nazarèt, manniè Bondié chwézi’y épi lèspri sen èk puisans, é manniè i travèsé péyi-a ka fè dibien, épi ka djéri tout sé moun-lan Djab-la té ka toumanté, pas Bondié té épi’y. 42 Anplis, i ba nou lòd préché ba pèp-la épi témwayé sé li Bondié mété jij pou jijé moun vivan kon moun mò. 43 Tout sé pwofèt-la ka témwayé konsa : tout nonm ki ni lafwa an li ka risivwè gras a non’y, padon pou péché. » 47 « Davwè sé moun-tala risivwè lèpri sen toukon nou menm, ès an moun pé anpéché yo batizé adan dlo ? » 48 Épi i ba yo lòd pou batizé yo an non Jézikri. Apré sa, yo mandé’y rété la épi yo yonn-dé jou.