1 Korentjen

2 Mi sé pou sa, frè, lè man vini kay-zòt pou palé ba zòt di sikré sakré Bondié-a, man pa sèvi piès pawòl épi piès sajès pou zòt rété sézi. 2 Pas lè man té la épi zòt, man pa té lé sav ayen dòt sinon Jézikri, é Jézikri maré anlè poto-a. 3 Man vini kay-zòt tou fèb, adan lakrent épi latranblad ; 4 é pawòl-mwen, sa man préché ba zòt, sé pa té jiskont pawòl sajès pou té sédui zòt, men épi an montraj lèspri épi puisans, 5 pou sé pa adan sajès lézòm zòt ni lafwa men adan puisans Bondié. 6 Sa vré nou ka palé lasajès moun ki ja bien matrité, non pa lasajès monn-tala, ni nonpli lasajès chèf monn-tala, yo ki pou disparèt. 7 Nou ka palé lasajès Bondié ki ka manifèsté adan an sigré ki sakré, lasajès kaché Bondié prévwè alavans pou laglwa ki ta-nou, avan i kréyé tout sistèm-lan. 8 Sé sajès-tala, piès chèf monn-tala pa rivé konnèt, pas si yo té konnèt li, yo pa té kéy maré Senyè-a ki plen laglwa anlè an poto. 9 Kon sa matjé : « Zié pa wè yo, zorèy pa tann yo, é sé pa tjè nonm ki konsivwè bagay Bondié préparé ba moun ki enmen’y. » 10 Sa vré, gras a lèspri’y Bondié fè nou konnèt sa, pas lèspri-a ka èkzaminé tout bagay, menm bagay Bondié ki fon. 11 Pas, ki moun pami lézòm pé konnèt sa ki an pansé an nonm, si sé pa lèspri nonm-tala ? Menm manniè, pèsonn pé pa rivé konnèt sa ki an pansé Bondié, si sé pa lèspri Bondié ? 12 Men nou, sé pa lèspri monn-lan nou risivwè, men sé lèspri-a ki ka vini di Bondié, pou nou pé sa konnèt bagay Bondié ba nou bon tjè. 14 Men nonm-lan ki pa èspiritièl pa ka asèpté sé bagay-la ki ka vini di lèspri sen Bondié, pas sé bagay sòt ba’y ; é i pé pa rivé konnèt yo, pas sé bagay èspiritièl é fòk ni lèspri sen Bondié pou konprann sé bagay-tala. 16 Wi, « ki moun ki rivé konnèt sa Jéova ka pansé, pou i pé sa aprann li an bagay » ? Men nou, nou ni pansé Kris-la.