Ébré
4 Pou vré, tout kay fèt pa an moun, men moun-lan ki fè tout bagay, sé Bondié. 7 Sé poutji, kon lèspri sen an ka di, « jòdi-a, si zòt ka kouté vwa’y, 8 pa kité tjè-zòt vini rèd kon lè yo té fè mwen lévé-faché, kon jou-a yo té tèsté mwen adan dézè-a, 9 éti zansèt-zòt té tèsté mwen, magré yo té wè tousa mwen té fè pandan 40 lanné. 10 Sé poutji man santi jénérasion-tala té ka dégouté mwen é man di : “Tjè-yo ka garé san rété, é yo pa rivé aprann konnèt chimen-mwen.” 11 Kidonk, man té an kolè lè man jiré : “Yo pé ké antré adan ripo-mwen.” » 12 Prangad frè, pou yonn adan zòt pa pati lwen Bondié vivan an épi i kité tjè’y vini méchan pas i mantjé lafwa ; 13 men kontinié ankourajé kòzòt yonn lòt chak jou, tout tan « jòdi-a » ka diré, pou tjè-zòt piès pa vini rèd palakòz péché-a. Pas péché-a ni pouvwa kouyonnen moun. 14 Pas nou ka pran pa épi Kris sèlman si nou ka tjenbé fò konfians-lan nou té ni dépi okoumansman jik alafen.