Ébré

12 Kidonk, nou menm tou, davwè i ni an patjé témwen tout alantou nou, annou ladjé tout chaj ki ka pézé anlè nou épi péché-a ki ka frennen nou fasil, épi annou kouri épi andirans kous-la ki douvan nou, 2 toupandan zié-nou pa ka ladjé Jézi, li ki Djid prensipal la pou lafwa-nou, li ki ka rann lafwa-nou pawfé. Pou lajwa-a ki té douvan’y, i andiré poto soufwans-lan, i méprizé lawont, é i asiz adwèt twòn Bondié. 3 Wi, pran tan réfléchi asou lèkzanp moun-lan ki andiré tousa vié pawòl moun péchè vréyé anlè’y, kont pwòp lentéré-yo ; konsa, zòt pé ké las é zòt pé ké dékourajé. 5 É zòt bliyé nèt konsèy-la i ba zòt kon an papa ka palé ba yich-li : « Yich-mwen, pa méprizé korèksion Jéova, é pa dékourajé lè i ka palé rèd ba’w ; 6 pas Jéova ka korijé moun i enmen, wi, i ka pini tout moun i ka konsidéré kon yich-li. » 14 Chèché viv adan lapé épi tout moun é rété sen, pas sianka an moun pa sen, i pé ké wè Senyè-a. 15 Pran bien gad pou pèsonn pa pèd favè Bondié nou pa mérité, pou piès mové rasin pa pousé épi simen panik, pou’y pa pwézonnen anlo moun ; 16 pran gad osi pou’y pa ni pèsonn adan zòt ki ka fè péché sèksièl oben ki ka méprizé sa ki sakré, kon Ézayi, ki bokanté dwa i té ni pas i té prèmié yich, kont an sèl ripa. 17 Zòt sav, plita, lè i té lé éritié bénédision-an, yo rijété’y ; sa vré, i pléré ba papa’y pou fè’y chanjé lidé, men i pa rivé.