Lik

2 Apré sa, i vréyé yo préché wayòm Bondié épi djéri moun. 23 Apré sa, i di yo tout la : « Si an moun lé suiv mwen, fòk i arété viv ba kòy, fòk i pran poto soufwans-li jou apré jou épi suiv mwen tout lè. 38 É mi-anvwala, adan foul-la, an nonm rélé : « Souplé, Ansénian, endé yich-mwen. Sé sèl la man ni. 39 An lèspri ka antré andidan’y, épi lamenm timanmay-la ka koumansé mété kriyé atè. Lèspri-a ka soukwé’y épi violans, é i ka fè’y bavé anlè’y, é sé apré i ja ba’y bon kou, i ka sòti andidan’y, é sa pa fasil pou i sòti. 40 Man mandé sé disip-ou a kouri dèyè’y, men yo pa rivé. » 41 Alò Jézi di : « Jénérasion san lafwa épi mové ! Konben tan ankò man pou rété épi zòt épi sipòté zòt ? Mennen yich-ou isiya. » 42 Men toupandan timanmay-la té ka vini, démon-an jété’y atè épi i soukwé’y épi violans. Men, Jézi palé rèd ba démon-an, i djéri ti gason-an, épi i rimèt papa-a ich-li. 48 épi i di yo : « Si an moun ka risivwè timanmay-tala pas i ka rèspèkté non-mwen, i ka risivwè mwen tou. É si an moun ka risivwè mwen, i ka risivwè osi Moun-lan ki vwéyé mwen. Pas pami zòt tout, moun-lan ki ka aji kon an toupiti sé li ki pli gran. » 54 Lè sé disip-la Jak épi Jan wè sa, yo di : « Senyè, ès ou lé nou mandé difé sòti an sièl-la pou détwi yo ? »