Akt

2 Sé frè Lis-la épi Ikoniòm té ka di anlo bon bagay anlè’y. 4 Adan sé vil-la, la yo té ka pasé, yo té ka transmèt pou tout moun obéyi, désizion sé apòt-la épi zansien Jérizalèm té pran. 5 Konsa, sé sanblé-a té ka kontinié vini pli fò adan lafwa, èk jou an jou té ni plis moun. 6 Yo travèsé osi zòn Friji épi Galasi, pas lèspri sen té entèdi yo palé di pawòl-la adan téritwa Azi. 7 É lè yo rivé Misi, yo éséyé antré Bitini, men lèspri Jézi pa pewmèt yo fè sa. 8 Kidonk yo pasé pa koté Misi é yo désann Troas. 9 É pandan lannuit-la, Pòl wè an vizion : an nonm Masédwàn té doubout douvan’y, i té ka sipliyé’y : « Pasé Masédwàn pou endé nou ! » 10 Dépi Pòl wè vizion-tala, nou pòté mannèv pou antré Masédwàn, pas dapré sa nou té konprann, sé Bondié ki té fè nou vini pou fè yo konnèt bon nouvèl-la. 13 Jou saba-a, nou sòti andéwò lavil-la é nou alé bò an lariviè, la nou té ka pansé té ni an koté moun ka prédié. Nou asiz la épi nou palé épi sé fanm-lan ki té sanblé la. 14 Pami yo té ni Lidi, an machann ki té ka vann lenj wouj-violèt é ki té sòti Tiyati. I té ka adoré Bondié, é i té ka kouté sa Pòl té ka di. É Jéova ouvè tjè’y tou gran, pou i té pé asèpté sa Pòl té ka di. 15 Lè sé moun-lan ki té ka viv lakay-li é limenm pran batenm, i sipliyé nou : « Si zòt ka pansé man fidèl a Jéova, vini dòmi lakay-mwen. » Épi i oblijé nou asèpté. 22 Alò, foul-moun lan anni lévé kont yo. Sé gwo fonksionnè-a ba lòd pou yo raché rad-yo, épi yo ba yo bon kout baton. 23 Aprézavwè yo ba yo bon kou, yo jété yo lajòl é yo ba gad-la lòd pa sispann véyé yo piès. 24 Palakòz lòd-tala, i fèmen yo koté-a ki té pli fon adan lajòl-la épi i mété pié-yo ant dé mòso bwa. 25 An mitan lannuit, Pòl épi Silas té ka prédié épi chanté louwanj ba Bondié é sé prizonnié-a té ka kouté yo. 26 Mi anvwala, an gran tranmanntè fèt, é i soukwé fondas lajòl-la. Tout lapòt anni ouvè lamenm, épi chenn tout moun tonbé atè. 27 Lè gadien-an lévé épi i wè sé lapòt lajòl-la té ouvè, i anni pran lépé’y pou tjwé kòy, pas i té konprann sé prizonnié-a té chapé. 28 Men Pòl kriyé bien fò : « Pa fè kòw ditò, pas nou tout la ! » 29 Kidonk, gadien-an mandé yo ba’y limiè, i kouri-rantré, latranblad anlè’y, é i tonbé ajounou douvan Pòl épi Silas. 33 Lannuit-tala menm, gad-la pran yo épi’y, épi i nétwayé bobo-yo. Apré, li épi tout lafanmi’y pran batenm lamenm. 37 Men Pòl di yo : « Yo ba nou kout fwèt douvan tout moun san jijman, nou ki Women, é yo jété nou lajòl. Épi atjèlman, yo lé mété nou déwò an kachèt ? Sa pé ké fèt piès ! Fòk yo vini yo menm pou fè nou sòti. »