Lik

15 Tout sé moun-lan ki té ka ranmasé lenpo-a épi sé péchè-a té ka sanblé alantou Jézi pou kouté’y. 2 É sé Farizien-an épi sé èspésialis Lalwa-a té ka bougonnen : « Boug-tala bien épi sé péchè-a é i ka manjé épi yo. » 3 Kidonk i ba yo lègzanp-tala : 4 « Si yonn adan zòt ni 100 brèbi épi i pèd yonn, ès i pé ké kité sé 99-la adan patiraj-la pou alé chèché tala ki pèdi jiktan i touvé’y ? 5 É lè i touvé’y, i ka pòté’y anlè zépòl-li épi tjè’y kontan. 6 Apré, lè i viré kay-li, i ka kriyé zanmi’y èk vwazen’y, épi i ka di yo : “Réjwi kòzòt épi mwen, pas man touvé brèbi-mwen ki té pèdi.” 7 Man ka di zòt, sé menm manniè-a ké ni plis lajwa an sièl-la pou an sèl péchè ki ka ripanti kòy, pasé pou 99 moun ki jis ki pa bizwen ripanti kòyo. 10 Man ka di zòt, menm manniè-a, zanj Bondié ka réjwi kòyo, pou an sèl péchè ka ripanti kòy. »