Jid

3 Biennenmen frè, man té ja paré pou ékri zòt asou sové nou pou sové ansanm, épi man konprann plivomié man ékri zòt pou ba zòt lafòs mennen an gwo konba pou lafwa-tala lé sen-an risivwè yon fwa pou tout. 8 É poutan, sé nonm-tala ka kité kòyo alé adan rèv, yo ka sali lachè, yo ka méprizé lotorité épi yo ka malpalé moun ki ni laglwa. 14 Wi, Énòk, sétièm désandan Adan, pwofétizé li osi asou yo, lè i di : « Mi Jéova vini épi pliziè milié zanj-li ki sen, 15 pou jijé tout moun, é pou di tout moun ki pa ni rèspé ba Bondié, yo koupab parapòt a tousa yo fè ki mové, é parapòt a tout pawòl èskandalé moun ki péchè é ki pa ni rèspé ba Bondié di anlè’y. » 16 Sé nonm-tala, sé dé moun ki toujou ka bougonnen épi ka plenn kòyo di sa ki ka rivé yo adan lavi-a, é ki ka chèché fè pwòp kòyo plézi. Épi bouch-yo yo ka pòté pwòp kòyo anlè, toupandan yo ka flaté moun pou trapé an bénéfis. 20 Men zòt, biennenmen, rann kòzòt pli fò asou fondas lafwa-zòt ki sen toubonnman, é prédié épi lèspri sen, 21 pou rété adan lanmou Bondié, tandiski zòt ka atann lanmizérikòd Senyè-nou Jézikri, mizérikòd ki ka mennen zòt lavi étèrnèl. 22 Anplis di sa, fòk kontinié montré lanmizérikòd ba yonn-dé ki ni dout ; 23 tiré yo an difé-a pou sové yo. Men kontinié montré lanmizérikòd ba dòt, fè sa épi lakrent, toupandan zòt ka rayi, menm rad-la éti lachè sali.