Galat
16 Alòs man ka di zòt : kontinié kité lèspri-a djidé zòt é konsa zòt pé ké suiv piès lanvi lachè. 17 Pas palakòz lanvi i ni, lachè-a kont lèspri-a é lèspri-a kont lachè-a ; yonn ka goumen épi lòt, sé pou sa, sa zòt lé fè zòt pa ka fè’y. 18 Anplis, si sé lèspri ki ka mennen zòt, zòt pa anba lalwa. 19 Sa lachè ka mennen, klè douvan zié-nou ; sé péché sèksièl, malpwòpté, mové konduit san wont, 20 idolatri, pratik ki ni rapò épi mové zèspri, lahenn, kankan, jalouzi, lakolè san métriz, fè ladjè, divizion, fè klan, 21 lanvi, boulézon, bakannal é dòt bagay konsa. Parapòt a sa man ka avèti zòt, kon man té ja avèti zòt : moun ki ka fè sé bagay-tala pé ké éritié wayòm Bondié. 22 Men, fwi lèspri-a sé lanmou, lajwa, lapé, pasians, jantiyès, bonté, lafwa, 23 dousè, métriz. Pa ni piès lwa kont sé bagay-tala.