Abakik

2 Jis kitan, o Jéova, fodré man ké pléré pou soukou épi ou pa ka tann ? Jis kitan, fodré man kriyé soukou kont laviolans san ou sové mwen ? 3 Poutji ou lé man rété gadé lenjistis ? É poutji ou pa ka fè ayen kont jouk-la ka pézé anlè nou ? Poutji tout krazé-brizé-tala épi violans-tala alantou mwen ? Poutji tousa kankan épi goumen ? 4 Lalwa pa ni piès fòs é lajistis pa janmen rèspèkté. Moun méchan ka pijé moun ki jis ; sé pou sa lajistis disparèt. 12 Ès ou pa ka èkzisté dépi toujou, o Jéova ? O Bondié-mwen, Sen-mwen, ou pa ka mò. O Jéova, ou chwézi yo pou akonpli jijman-an ; o Woché-mwen, ou mété yo la pou pini nou.