Jérémi

45 Mi sa pwofèt Jérémi di Barik, yich Nériya lè Barik té ka ékri sé pawòl-la Jérémi té ka di’y matjé adan an woulo. Sé té pandan Joakim, yich Jozias té wa pou katièm lanné-a anlè Jida. 2 « Mi sa Jéova, Bondié Izrayèl ka di anlè’w, Barik : 3 “Ou di : ‘Malè pou mwen, pas Jéova ajouté lapenn asou soufwans-mwen ! Man pa ka sispann plenn, man pa ka rivé kalmé tjè-mwen.’” 4 « Ou ké di’y : “Mi sa Jéova ka di : ‘Gadé ! Sa man konstwi, man ké krazé’y, é sa man planté, man ké raché’y, sé sa man ké fè adan tout péyi-a. 5 Poutan ou ka chèché gran bagay ba kòw. Sispann chèché sé kalté bagay-tala.’” « “Pas talè mwen kay fè vini an malè anlè tout moun, sé sa Jéova di, men wou, kisiswa koté-a ou kèy alé, rékonpans-lan man ké ba’w sé lavi’w.” »