1 Piè

5 Sé pou sa, mwen ki wè soufwans Kris-la, mwen ki ka pran pa adan an laglwa ki pou parèt, mwen ki sé an ansien kon yo menm, man ka sipliyé sé ansien-an ki épi zòt : 2 Pran bien swen twoupo-a Bondié ba zòt, véyé anlè’y, pa an manniè fòsé, men épi bon tjè douvan Bondié ; pa pou genyen an bagay malonnèt, men san trennen ; 3 pa konsidiré sé zòt ka koumandé moun ki léritaj Bondié, men pou zòt menm vini lèkzanp pou twoupo-a. 5 Menm manniè-a, zòt sé jenn-jan an, soumèt kòzòt a sé nonm-lan ki ni an pli gran laj. Men zòt tout la, abiyé kòzòt épi limilité adan konpòwtasion-zòt yonn épi lòt. Pas Bondié pa lé ni afè épi moun ki ni lòwgèy, men moun ki ni limilité i ka ba yo favè-a nou pa mérité. 6 Kidonk, fè kòzòt toupiti anba lanmen Bondié ki puisan, pou i pòté zòt anlè, lè moman-an rivé, 7 toupandan zòt ka déchajé tout lentjétid-zòt anlè’y, pas i lé otjipé di zòt. 8 Pa pèd bon jijman-zòt, rété véyatif ! Lennmi-zòt, Djab-la, ka alé-vini kon an lion ki anrajé, i ka chèché dévoré an moun. 9 Men doubout douvan’y, solid adan lafwa, pas zòt sav frè-zòt toupatou asou latè ka jwenn sé menm soufwans-lan. 10 Davwè zòt ké soufè titak tan, Bondié-a ki ka ba nou favè-a nou pa mérité, ki kriyé zòt adan glwa étèrnèl li, adan linité épi Kris, sé li menm ki ké fini fòwmasion-zòt. I ké rann zòt solid, i ké rann zòt djòk, i ké fè zòt rété bien doubout.