Lik

29 Jézi di yo : « Fwanch vérité man ka di zòt, i pa ni pèsonn ki kité kay, fanm, frè, paran ouben timanmay pou wayòm Bondié-a, 30 si i pa risivwè dépi aprézan an patjé plis, épi adan monn nouvo-a lavi étèrnèl. » 35 Toupandan Jézi té ka aproché pa bò Jériko, an avèg té asiz bò chimen-an épi i té ka mandié. 36 I té ka tann anlo moun pasé kidonk i mandé kisa ki té ka fèt. 37 Yo di’y : « Sé Jézi, nonm Nazarèt-la ki ka pasé ! » 38 Alò i mété kòy ka kriyé : « Jézi, Yich David, pran pitié di mwen ! » 39 Sé moun-lan ki té ka maché douvan té ka di’y pé la an manniè rèd, men i té ka rélé ankò pli fò : « Yich David, pran pitié di mwen ! » 40 Jézi doubout épi i ba lòd pou yo mennen nonm-lan ba’y. Nonm-lan vini bò’y é Jézi mandé’y : 41 « Kisa ou lé man fè ba’w ? » I réponn li : « Senyè, fè mwen wè klè. » 42 Kidonk Jézi di’y : « Wè klè aprézan. Sé lafwa’w ki djéri’w. » 43 É lamenm, nonm-lan koumansé wè klè, é i mété kòy ka suiv Jézi toupandan i té ka gloriyé Bondié. Lè pèp-la wè sa, yo tout la mété kòyo ka chanté louwanj Bondié.