1 Samièl

16 Anfinaldikont Jéova di Samièl : « Konben tan ankò ou ké rété tris pou lapéti Sayil, alòs ki man rijété’y é janmen i pé ké wa asou Izrayèl ankò ? Pran an kòn, plen’y épi luil épi alé. Ay wè Jésé ki ka rété Bètléyèm, pas man chwézi yonn di sé yich-li a pou i vini wa. » 3 Envité Jésé vini pou sakrifis-la. Apré mwen kèy di’w sa ou pou fè. Tala mwen kèy montré’w la, ou kèy wen’y ba mwen. » 6 Toupandan yo té ka rivé, Samièl wè Éliab. I di kòy : « Mwen sèten, sé li Jéova chwazi é ki doubout douvan’y. » 7 Men Jéova di Samièl : « Pa arété kò’w asou sa ou ka wè, ni asou wòtè’y, pas sé pa li mwen chwazi. Sa an nonm ka wè é sa Bondié ka wè sé pa menm bagay-la, pas an nonm ka wè sa ki douvan zié’y, men Jéova li, ka wè, sa ki ni an tjè. »