1 Piè

6 Sé pou sa, sé pa ti kontan zòt ka kontinié kontan, menm si pou an ti moman, zòt pou jwenn lapenn anba divès léprèv, 8 Menmsi zòt pa jen wè’y, zòt enmen’y. Menmsi zòt pa ka wè’y atjèlman, magré-sa zòt ni lafwa an li épi zòt kontan toubannman, sé an lajwa èstwòdinè nou pé pa èsplitjé, 13 Kidonk, paré lèspri-zòt pou zòt aji ; gadé tout bon jijman-zòt ; mété tout lèspérans-zòt adan favè-a nou pa mérité, zòt ké risivwè lè Jézikri ké fè tout moun konnèt ki moun i yé. 14 Kon timanmay obéyisan, pa kité lanvi zòt té ni avan mennen zòt ankò, kon lè zòt poko té konnèt, 15 men, kon Sen-an ki kriyé zòt la, zòt osi, vini sen adan tout konduit-zòt, 16 pas mi sa ki matjé : « Fòk zòt sen, pas man sen. » 22 Atjèlman zòt vini sen pas zòt obéyi vérité-a — sa ki fè zòt ni an lanmou ant frè ki pa ipokrit —, enmen kòzòt fò épi tout tjè-zòt. 24 Pas « tout sé nonm-lan kon zèb, é tout laglwa-yo kon an flè ki adan savann ; zèb-la ka vini sèk é flè-a ka tonbé, 25 men pawòl Jéova ka rété pou toujou ». É « pawòl-tala » sé bon nouvèl-la yo anonsé zòt.