Jéova ka pwotéjé adoratè’y

Prèmié Pak-la sé té an évènman kapital. Swè-tala, lè Farawon dékouvè prèmié-né’y té mò, i di Moyiz konsa : « Fè chimen zòt, sòti an mitan pèp mwen-an, zòt épi lézòt Izrayélit-la. Alé sèvi Jéova, kon zòt di a » (Èg 12:31). Jéova té ba laprèv i toujou ka protéjé adoratè’y.

Lè nou ka pran tan gadé listwa sèvitè Jéova lépòk-nou, sa nèt épi klè ki Jéova ka kontinié mennen épi pwotéjé pèp-li. Sé sa an èspozision ki o biwò mondial Témwen Jéova ka mété douvan. Yo kriyé èspozision-tala « An pèp pou non Jéova ».

GADÉ VIDÉWO-A EXPOSITIONS AU MUSÉE DE WARWICK : « UN PEUPLE POUR LE NOM DE JÉHOVAH », APRÉ RÉPONN SÉ KÈSION-TALA :

• 

  Dépi 1914, ki nouvo mwayen sé Étidian Labib-la koumansé sèvi pou nouri lafwa moun adan Labib ? Ki rézilta yo trapé ?

• 

  An 1916 é an 1918, kisa ki malmennen lafwa sèvitè Bondié, épi kisa ka montré Jéova dirijé lòganizasion’y ?

• 

  Ki manniè pèp Jéova tjenbé rèd adan lafwa magré lopozision ?

• 

  An 1935, ki nouvo èsplikasion sèvitè Jéova risivwè, é kisa yo risanti ?

• Si’w vizité èspozision-tala, kisa ou wè ki ba’w lasirans sé Jéova ka dirijé épi ka pwotéjé adoratè’y ?