Prangad pa simen mansonj

Jòdi-jou, pa jounal, pa radio, pa télé ouben Entèwnèt, milion moun pé trapé vitman présé an enfòwmasion. Moun ki ka adoré « Bondié vérité-a » pa lé touvé kòyo ka simen mansonj, menm san yo lé (Sm 31:5 ; Èg 23:1). Répété mansonj pé fè anpil ditò. Pou sav si an enfòwmasion vré, mandé kò’w :

• « Ki koté i sòti ? » Moun-an li menm ki ka rakonté, pétèt i pa konnèt tou sa ki pasé. An pawòl ka pasé yonn a lòt pé pa janmen rété menm manniè. Kidonk, lè ou pé pa sav koté pawòl-la sòti poubon, méfié kò’w. Kantapou sé krétjen-an ki ni rèsponsabilité adan lasanblé-a, yo ni répitasion toujou ba enfòwmasion ki vré. Donk yo pou prangad pa répann enfòwmasion yo pa sav koté i sòti.

• « É si sé manti yo ka manti ? » Si enfòwmasion-an ka sali répitasion an moun ouben an gwoup moun, plivomié pa répété sa (Pw 18:8 ; Fl 4:8).

• « Ès sé an bagay ki pé rivé pou toulbon ? » Si ou ka tann bagay èstwòdinè, méfié kò’w.

GADÉ VIDÉWO-A COMMENT ARRÊTER LES BRUITS QUI COURENT ?, APRÉ RÉPONN SÉ KÈSION-TALA :

• 

  Silon Pwovèb 12:18, ki manniè pawòl pé fè ditò ?

• 

  Ki manniè Filipien 2:4 ka endé nou rété toujou véyatif anlè sa nou ka di anlè lézòt ?

• 

  Sa ou pou fè, lè toupandan ou ka palé di an moun ou ka santi pawòl-la ka vini négatif oben iwonik ?

• 

  Avan ou palé di an moun, ki kalté kèsion fòk ou pozé kò’w ?