Annou vini pli filé adan ministè-a : Préché douvan entèwfòn ouben viziofòn

POUTJI SA ENPÒWTAN : Pwogré tèknolojik épi ògmantasion kriminalité-a ka fè ki anlo moun ka mété kay-yo entèwfòn épi viziofòn. Ès sa ka fè nou pè préché bon nouvèl-la ba an moun ki ka wè nou, men nou pa ka wè ? Sé rapèl-tala kay endé nou palé épi plis lasirans lè nou douvan sé aparèy-tala.

KI MANNIÈ POU FÈ SA :

• Rété pozitif. Anlo moun ki ni entèwfòn ouben viziofòn dispozé pou palé épi nou.

• Fòk sav ki ni kaméra ki ja ka anrèjistré avan menm ou sonnen. Kifè mèt kay-la ka wè’w ouben ka tann ou dépi ou rivé kay-li.

• Lè otjipan kay-la réponn ou, palé douvan kaméra-a ouben mikwo-a an manniè natirèl konsi moun-lan té douvan’w. Souri épi fè jès ki natirèl. Di sa ou té prévwè konsidiré moun-lan té vini douvan’w. Pa mété fidji’w two pré kaméra-a. Pou fini, si pèsonn pa réponn, pa kité mésaj.

• Pa oubliyé lè’w fini palé épi moun-lan pétèt i toujou ka tann ou ouben wè sa’w ka fè.