Ès ou pé ba tan’w épi lafòs-ou ?

Kon Izayi té pwofétizé, jòdi-a, pati òwganizasion Jéova-a ki anlè latè ka viv an ògmantasion kon sa pa jan fèt avan (Iz 54:2). Kidonk, fòk kontinié konstwi Sal di Wayòm, Sal lasanblé épi Bétèl. Apré, fòk antritni sé batiman-tala é délè réparé yo. Sa ka ba nou lokazion ba tan-nou épi lafòs-nou pou Jéova. Kouman ?

• Lè sé tounen gwoup prédikasion-nou pou pwòpté Sal di Wayòm-lan, nou pé patisipé.

• Nou pé pòté kònou volontè pou risivwè an fòwmasion pou antritni Sal di Wayòm-nou.

• Nou pé plen an Demande d’admission comme volontaire local développement/construction (DC-50) pou travay pandan an tan anlè an chantié konstriksion ouben antritni batiman bò kay-nou.

• Nou pé plen an Demande d’admission comme volontaire (A-19) pou sèvi yonn ouben pliziè simenn adan Bétèl-la ouben adan batiman ki ka dépann di Bétèl-la anlè téritwè biwo nasional-nou.

GADÉ VIDÉWO-A UN NOUVEAU PROJET DE CONSTRUCTION (EXTRAIT), APRÉ RÉPONN SÉ KÈSION-TALA :

• Ki ògmantasion èstwòdinè nou ka wè adan itilizasion nou ka fè di vidéwo dépi 2014 ?

• Pas atjèlman sa ka vini nésésè pwodui plizanpli vidéwo, kisa yo prévwè di konstwi, é konben tan sa ké pran ?

• Ki manniè frè é sè pé pran pa adan travay-tala ?

• Si nou lé pòté kònou volontè anlè chantié Ramapo-a, poutji fòk plen an fòwmilè DC-50 pou soutni travay LDC-a pa koté kay-nou ?

• Ki prèv nou ni ki sé Jéova ka dirijé pwojé-tala ?

• Ki manniè nou pé soutni pwojé-tala menm si nou pé pa patisipé adan sé travo-a ?