Annou chéri rilasion-nou épi Jéova

Témwen Jéova ni an lonnè vréman èspésial. Nou sé krétjen ki batizé, kifè nou ka antritni épi Souvren Senyè Jéova an rilasion ki pwofon épi ki ant li é nou. I atiré nou a li pa mwayen Yich-li (Ja 6:44). I ka kouté lapriyè-nou (Sm 34:15).

Ki manniè nou pé pwotéjé rilasion présièz-la nou ni épi Jéova ? Annou pa suiv mové konduit sé Izrayélit-la. An titak tan apré yo fè an alians épi Jéova, yo fè an ti bèf an lò épi yo jété kòyo adan lidolatri (Èg 32:7, 8 ; 1 Ko 10:7, 11, 14). Nou pé mandé kònou : « Koumanniè mwen ka réaji douvan tantasion ? Ès aksion-mwen ka montré mwen ka chéri rilasion-mwen épi Jéova ? » Si nou enmen anchay Papa-nou ki an sièl, sa kay endé nou pran kouri douvan sa i rayi (Sm 97:10).

GADÉ VIDÉWO-A PROTÉGEONS NOTRE RELATION AVEC JÉHOVAH (COL 3:5), APRÉ RÉPONN SÉ KÈSION-TALA :

• Kisa ki lakonvwatiz ?

• Poutji fòk nou rijété lidolatri épi vorasité adan tout domenn ?

• Ki lien ki ni ant ladiltè èk lidolatri ?

• Poutji frè ki ni rèsponsabilité dwé prangad bien otjipé bizwen madanm-yo ?