Jenn, ès Jéova sé méyè Zanmi-zòt ?

Ki kalité ou enmen touvé kay an zanmi ? Asiré, kalité kon lafidélité, lajantiyès, donans ka atiré’w. Jéova ni tout sé kalité-tala (Èg 34:6 ; Ak 14:17). Lè ou ka priyé’y, i ka kouté’w. Chak fwa ou bizwen soukou, i ka endé’w (Sm 18:19, 35). Anplis i ka padonnen érè ou fè (1 Ja 1:9). Vréman, sa sé an Zanmi !

Koumanniè ou pé vini zanmi Jéova ? Li Pawòl-li pou aprann konnèt li. Di’y tou sa ki an fon tjè’w (Sm 62:8 ; 142:2). Fè Jéova sav, sa ki ni valè ba’y enpòtan ba’w, kon Yich-li, wayòm-li é pwonmès-li asou lavni. Palé di’y (Dt 32:3). Si ou dévlopé an lanmitié séré épi Jéova, i kèy Zanmi’w pou toujou (Sm 73:25, 26, 28).

GADÉ VIDÉWO-A JEUNES, « GOÛTEZ ET VOYEZ QUE JÉHOVAH EST BON », APRÉ RÉPONN SÉ KÈSION-TALA :

• 

  Koumanniè ou pé préparé kòw pou ba Jéova lavi’w épi pran batenm ?

• 

  Koumanniè sé frè é sè lasanblé-a pé édé’w sèvi Jéova ?

• 

  Koumanniè laprédikasion ka rann rilasion’w épi Jéova pli fò ?

• 

  Ki aktivité adan sèvis Jéova ou pé patisipé ?

• Kisa ou enmen kay Jéova ?