Annou ba Jéova sa ki pli méyè

5:5-7, 11

An Izrayèl, sé pa pas ou té pòv ou pa té kèy pé fè lapé épi Jéova. Menm moun ki té près san ayen, té pé ofè Jéova an sakrifis ka fè’y plézi, dépi yo té ba’y sa ki té pli méyè. Yo té pé ofè farin mé Jéova té lé ki sé té farin « fin », an modèl farin yo té ka sèvi ba gran-jan (Jé 18:6). Jòdi-jou, kisiswa wòtè sa nou pé fè, Jéova ka ni tjè kontan si nou ka ba’y sa ki pli méyè adan « sakrifis-louwanj » (Éb 13:15).

Si ou pé pa fè otan atjèlman ki ou té ka fè avan, pétèt pas santé-a pa osi bon oben pétèt pas ou ni mwens lafòs, ki manniè lidé-tala ka ba’w tjè épi kouraj ?