Tanto nou kèy lib gras a Bondié é Kris

Kont kisa ou ka goumen chak jou ? Ès ou sé an chèf lafanmi ki ka débat épi anpil rèsponsabilité ? Ès ou ka élivé yich-ou sèl é sa rèd pou fini mwa-a ? Ès ou ni kanmarad ka fè’w méchansté lékòl ? Ès ou ka goumen kont konsékans laviéyès ouben pas ou ni an santé ki pa bon ? Anlò krétjen ka sibi pliziè éprèv an menm tan. Men, nou sav ki, talè, nou kèy libéré di tout sé léprèv-tala (2 Ko 4:16-18).

Annatandan, sa ka konsolé nou di sav ki Jéova ka konprann konba-nou, i ka ba fidélité-nou épi andirans-nou anpil valè é i prévwa ba nou dé kalté bèl bénédision (Jr 29:11, 12). Jézi tou ka entérésé kòy a nou chak la. Kon i pwonmèt nou, lè nou ka fè tousa an krétjen pou fè, i ‘épi nou’ (Mt 28:20). Médité asou libèté nou kay trapé anba wayòm Bondié, ka fè lèspérans-nou épi volonté-nou di sipòté éprèv vini pli fò (Wm 8:19-21).

GADÉ VIDÉWO-A AVAN MOVÉ TAN-AN RIVÉ, MÉTÉ LÈSPRI’W ASOU JÉZIKRI ! BON BAGAY WAYÒM-LAN KAY PÒTÉ, APRÉ RÉPONN SÉ KÈSION-TALA :

• Ki manniè limanité viré do ba Bondié, é kisa sa pòté ba’y ?

• Kisa moun ki fidèl a Jéova kay jwenn dèmen ?

• Kisa ki ka rann bèl lavni-tala posib ?

• Kisa ou présé wè adan sé bienfè-a monn nouvo-a kay pòté ?