Ès ou ka paré kòw pou Mémoriyal-la ?

Dènié Pak-la Jézi té kay sélébré, té ké ni an sinifikasion èspésial. Lanmò Jézi té près rivé, i té prévwa manjé ripa Lapak-la épi sé apòt-li a, apré, fè an sélébrasion ki té kay pou fèt chak lanné : Ripa Senyè-a. Kidonk, i vréyé Piè é Jan paré sal-la éti ripa-a té kèy fèt (Lk 22:7-13 ; gadé zimaj prèmié paj-la). Sa ka fè nou sonjé nou pou paré kònou pou Mémoriyal-la, ki kay fèt 27 maws. Sé sanblé-a dwèt ja pran dispozision (oratè-a, diven-an épi pen-an, èksétéra). Men, nou chak la, kisa nou pé fè pou paré kònou pou jou Mémoriyal-la ?

Paré tjè’w. Li épi médité listwa adan Labib-la an rapò épi Mémoriyal-la. Ou pé sèvi pwogram-lan ki adan Examinons les Écritures chaque jour. Adan La Bible. Traduction du monde nouveau, appendice B12-la ni an pwogram ki ni plis détay. (Gadé osi Cahier Vie et ministère pou avril 2020.) Anplis, adan Index des publications des Témoins de Jéhovah ouben Guide de recherche pour les Témoins de Jéhovah, sé fanmi-an pé touvé awtik potalan anlè laranson. Yo pé ègzaminé sé awtik-tala pandan ladorasion lafanmi-yo.

Envité moun. Bien partisipé adan anons pou Mémoriyal-la. Katjilé ki moun ou pé envité : moun ou ka vizité, moun ki té ka étidié Labib avan, konésans-ou épi moun lafanmi’w. Ansien pé kèy oubliyé envité sé frè é sè-a ki inaktif. Sonjé, si an moun pa ka abité bò kay-ou, ou pé trouvé lè-a épi koté Mémoriyal-la kèy fèt bò kay-li. Pou sa, alé anlè paj akèy jw.org, an wo paj-la, kliké asou KI MOUN NOU YÉ, apré anlè « Mémoriyal ».

Sa nou pé fè ankò pou paré kònou ?