An mision « enposib » lèspri sen rivé fè

Adan Listwa, sèvitè Bondié rivé fè dé bagay èstwòdinè. Pa parapòt a sa yo té kapab fè, men pas Jéova té ka endé yo. Kontèl, an lanné 1954, yo fè an fim, tit-li sé té La Société du Monde Nouveau en action. Sé pito bétélit ki pa té ni piès lèspérians adan sinéma, ki rivé réyalizé fim-tala. Mision-tala té ka parèt enposib. Men, sé sèlman épi lèspri sen Jéova i fèt. Sa ka ba nou lasirans, si sé anlè Jéova nou ka apiyé, nou pé réyalizé tout kalté modèl travay nou pou fè (Zk 4:6).

GADÉ VIDÉWO-A LA PRODUCTION DU FILM « LA SOCIÉTÉ DU MONDE NOUVEAU EN ACTION », APRÉ RÉPONN SÉ KÈSION-TALA :

• Poutji yo pran désizion-an fè an fim anlè biwò mondial-la ?

• Ki manniè fim-tala ka montré Bétèl-la ka fonksionnen kon kò an moun ? (1 Ko 12:14-20).

• Ki kalté difikilté sé frè-a jwenn lè yo té ka réyalizé fim-tala ? É ki manniè yo rivé janbé yo ?

• Kisa tousa ki fèt la ka aprann nou asou lèspri sen Jéova ?