Jenn, ouvè tjè-zòt ba paran-zòt

Poutji fòk ou pran labitid di franchman lé paran sa ou ka pansé ? (Pw 23:26). Pas sé yo Jéova ba rèsponsabilité otjipé di’w épi djidé’w (Sm 127:3, 4). Yo pé ké rivé fè sa, si ou ka séré tout ti sousi’w épi tout ti pwoblèm-ou. É akòz di sa ou pé ké bénéfisié lèspérians yo trapé adan lavi-yo. Men bon, ès sa lé di sa pa bon gadé dé-twa bagay ba kòw ? Pa oblijé, dépi sé pa chèché ou ka chèché an manniè pou kouyonnen moun (Pw 3:32).

Koumanniè ou pou fè pou palé épi paran’w ? Éséyé chwazi an moman ki bon pou chak moun-lan. Si sa two rèd ba’w, ou pé ékri yonn di yo an lèt, pou di’y ki manniè ou ka santi ti kòw. É si yo lé palé épi’w anlè an bagay épi wou ou pa lé ? Sonjé sé endé yo lé endé’w. Toujou wè yo kon zanmi pa kon lènmi. Léfò ou kay fè pou palé épi yo franchman kay fè’w dibien pou tout lavi’w, an lavi étèrnèl ! (Pw 4:10-12).

GADÉ VIDÉWO-A MWEN JENN, SÉ LAVI-MWEN : KI MANNIÈ PALÉ BA LÉ PARAN ?, APRÉ RÉPONN SÉ KÈSION-TALA :

• 

  Kisa Esther épi Partik fini pa rikonnèt anlè yo menm ?

• 

  Kisa lègzanp Jézi pé aprann ou ?

• 

  Ki manniè paran’w ka montré yo enmen’w ?

• 

  Ki prensip Labib pé endé’w palé épi paran’w ?