Ès ou paré pou sianka ni dézòd adan lapopilasion ?

Pli nou ka vini obò lafen, pli fòk nou paré pou wè monn-tala soukwé épi dézòd adan lapopilasion, téworiz épi ladjè (Ré 6:4). Ki manniè nou pé paré kònou pou sé difikilté-tala ki ka vini ?

• Adan domenn èspiritièl : Matjé prensip épi listwa Labib-la ki ka ba lafwa’w adan Jéova épi adan lòwganizasion’y plis lafòs, épi ki ka ba volonté’w di rété apa plis lafòs tou (Pw 12:5 ; jr-F 125-126 § 23-24). Anplis, sé dépi atjèlman nou pou lianné bèl lanmitié épi frè é sè-nou (1Pi 4:7, 8).

• Adan lavi touléjou : Pran dispozision alavans. Pa ègzanp, fè rézèv pou sianka konfinman. Fòk ou ni an plan pou chapé osi. Fòk ou toujou sav sa ki ni adan sak soukou-a ; sonjé mété adan sa ki nésésè pou pwotéjé kòw, kontèl mas épi lajan. Asiré kòw sé zansien-an sav ki manniè yo pé jwenn ou, épi ki manniè wou ou pé jwenn yo (Iz 32:2 ; g17.5-F 3-7).

An ka sé ni dézòd, pa pèd labitid èspiritièl-ou (Fl 1:10). Tout tan sé lotorité-a pa mandé’w kité kay-ou, éséyé pa alé piès koté (Mt 10:16). Fòk ou paré pou séparé épi lézòt manjé èk dòt bagay ou ni (Wm 12:13).

GADÉ VIDÉWO-A ÈS ZÒT PARÉ POU AN KATASTWÒF NATIRÈL ?, APRÉ RÉPONN SÉ KÈSION-TALA :

• Ki manniè Jéova pé pòté nou soukou, lè i ni katastwòf ?

• Ki manniè nou pé paré kònou, an manniè pratik, lè ni katastwòf ?

• Ki manniè nou pé pòté soukou ba moun ki pran fè adan an katastwòf ?