LAVI AN KRÉTJEN
Rann lafwa’w pli fò adan Pawòl Bondié
Pawòl Bondié pé chanjé lavi-nou (Éb 4:12). Men, pou pwofité dirèksion-an épi sé konsèy-la i ka ba nou, fòk nou asiré sèten sé « pawòl Bondié » ki la (1Ts 2:13). Alò, ki manniè nou pé rann lafwa-nou an Labib pli fò ?
Li an ti mòso adan Labib touléjou. Pandan ou ka li’y, chèché prèv sé Jéova ki Lotè’y. Pa ègzanp, pran tan katjilé asou sé konsèy-la ki matjé adan liv sé Pwovèb-la. Konsa ou kèy wè sajès-yo toujou itil kisiswa lépòk-la (Pw 13:20 ; 14:30).
Alé pli lwen adan létid Labib-ou. Chèché konnèt pli bien sé prèv-la nou ni ki Bondié enspiré Bib-la. Adan liv-la Guide de recherche pour les Témoins de Jéhovah, chwézi tèm-lan « La Bible », apré chwézi « Inspirée par Dieu ». Fouyé adan apendis A3-a ki adan Traduction du monde nouveau pou asiré kòw ankò plis, ki mésaj Labib-la pa chanjé.
GADÉ VIDÉWO-A POUTJI NOU NI LAFWA ADAN : PAWÒL BONDIÉ APRÉ RÉPONN SÉ KÈSION-TALA :
Koumanniè sa yo dékouvè asou masonn tanp Karnak-la, pa koté Léjip, ka montré Labib-la ègzak ?
Koumanniè nou sav mésaj Labib-la pa chanjé ?
Difèt Labib-la la jik jòdi, ki manniè sa ka montré sé Pawòl Bondié ? (li Izayi 40:8).