8-14 AVRIL
SÒM 26-28
Kantik 34 épi lapriyè | Pawòl pou koumansé (1 min)
1. Koumanniè David fè fidélité’y grandi
(10 min)
David mandé Jéova endé’y vini an pli bon moun (Sm 26:1, 2 ; w04-F 1/12 14 § 8-9).
David té ka rifizé frékanté mové moun (Sm 26:4, 5 ; w04-F 1/12 15-16 § 12-13).
David té enmen adoré Jéova (Sm 26:8 ; w04-F 1/12 16 § 17-18).
Malgré lérè i fè, David té ka sèvi Jéova épi « sensérité » (1Wa 9:4). David té enmen épi té ka sèvi Jéova épi tout tjè’y, é sé sa ki té ka montré i té fidèl.
2. Trézò èspiritièl
(10 min)
Sm 27:10 : Koumanniè vèsé-tala pé ba nou kouraj si an jou nou ni lenprésion zanmi-nou épi fanmi-nou ladjé nou ? (w06-F 15/7 28 § 15).
Ki trézò èspiritièl ou touvé adan lèkti Labib-la simenn-tala ?
3. Lèkti Labib-la
(4 min) Sm 27:1-14 (th lison 2).
4. Koumansé an ti-kozé
(2 min) KAY AN KAY. Sèvi an trak ki adan bwèt zouti-a pou ansénié (th lison 3).
5. Kontinié an ti-kozé
(4 min) KAY AN KAY. Palé épi moun-lan asou kèsion-an ki an do trak-la ou kité ba’y dènié fwa ou vini. Montré’y sit-la jw.org, épi wè épi’y yonn-dé bagay i pé touvé adan’y (lmd lison 9 pwen 3).
6. Diskou
(5 min) lmd apendis A pwen 3. Tèm : Tout déga latè ka sibi kèy disparèt (th lison 13).
Kantik 128
7. Jenn ki ka rété fidèl
(15 min). Diskision.
Pou pa fè péché sèksièl, lé jenn krétjen pou mennen an bèl konba. Yo ka goumen, pas yo pa pawfé, é lè yo jenn lanvi ni rilasion sèksièl pé pran tèt-yo, é adan dé moman konsa sa pé rèd ba yo fè sa ki jis (Wm 7:21 ; 1Ko 7:36). É anplis di sa, fòk yo rézisté anba présion lézòt ki lé fè yo ni rilasion sèksièl kisiswa ant an jenn fi é an jenn gason ouben rilasion omosèksièl (Éf 2:2). Nou fiè di sé jenn-lan ki ka kontinié obéyi Jéova, jou apré jou.
Gadé VIDÉWO-a Mwen jenn sé lavi-mwen : Ki manniè rézisté douvan présion pou ni rilasion sèksièl avan man mayé ? Apré mandé :
Ki kalté présion kanmarad Cory épi Kamryn fè anlè yo ?
Kisa ki endé yo rété fidèl ?
Ki prensip biblik ki pé endé’w tjenbé douvan sé kalté sitiyasion-tala ?
8. Létid biblik lasanblé-a
(30 min) bt chap. 8 § 5-12.