29 AVRIL – 5 MÉ
SÒM 34-35
Kantik 10 épi lapriyè | Pawòl pou koumansé (1 min)
1. « Annou louwé Jéova tout lè »
(10 min)
Menm anba difikilté David té ka louwé Jéova (Sm 34:1 ; w07-F 1/3 22 § 11).
Olié i té vanté kòy, David té ka gloriyé Jéova (Sm 34:2-4 ; w07-F 1/3 22 § 13).
Lè David té ka louwé Jéova sa té ka ba zanmi’y lafòs (Sm 34:5 ; w07-F 1/3 23 § 15).
Lè David chapé anba lanmen Akich (oben Abimélèk), 400 boug ki pa té kontan wa Sayil, vini jwenn li adan dézè-a (1Sm 22:1, 2). David dwèt té ka sonjé sé boug-tala lè i ékri sòm-tala (Sm 34, nòt-la ki an tèt Sòm-lan).
MANDÉ KÒW : « Adan pwochen réyinion lasanblé-a, koumanniè man pé louwé Jéova, lè man kèy diskité épi an moun ? »
2. Trézò èspiritièl
(10 min)
Sm 35:19 : Kisa David té lé di lè i prédié pou lènmi’y « pa fè sin anlè’y » ? (w06-F 15/5 20 § 1).
Ki trézò èspiritièl ou touvé adan lèkti Labib-la simenn-tala ?
3. Lèkti Labib-la
(4 min) Sm 34:1-22 (th lison 5).
4. Koumansé an ti-kozé
(2 min) TÉMWAYAJ LÈ’W NI LOKAZION. Ti diskision-an ka fini avan ou ni tan préché ba moun-lan (lmd lison 1 pwen 4).
5. Kontinié an ti-kozé
(4 min) TÉMWAYAJ LÈ’W NI LOKAZION (lmd lison 2 pwen 4).
6. Èsplitjé kwayans-ou
(5 min) Démonstraksion. ijwfq 59. Tèm : Ki manniè Témwen Jéova ka rivé sav si an fèt bon oben pa bon ? (th lison 17).
Kantik 59
7. Twa manniè pou louwé Jéova adan réyinion-nou
(15 min). Diskision.
Adan sé réyinion lasanblé-a, nou ni an patjé bèl lokazion pou louwé Jéova. Mi 3 manniè nou pé fè sa :
Lè’w ka palé épi lézòt. Adan konvèsasion’w palé di manniè Jéova bon (Sm 145:1, 7). Ès ou li ouben ou tann an lidé ka fè’w dibien ? Ès ou viv an bagay ki ankourajé’w an prédikasion ? Ès sa an moun di ouben fè ankourajé’w ? Ès ou wè an bagay Jéova kréyé ki fè’w plézi ? Tout sé kado-tala ka vini di Jéova (Jk 1:17). Fè éfò pou rivé alavans an réyinion pou ni tan palé di tout sé bagay-tala épi dòt.
Lè’w ka réponn. Éséyé réponn o mwen an fwa adan chak réyinion (Sm 26:12). Ou pé réponn a kèsion-an dirèk ouben palé asou an lidé ki sègondè, an vèsé ouben an zimaj, ouben èsplitjé koumanniè an lidé itil ba nou. Lè ou kèy lévé lanmen’w, i pé ni dòt moun ka lévé lanmen-yo tou, alò préparé pliziè répons. Si répons-nou ka fè 30 sigonn ouben mwens, kèy ni plis moun ki kèy pé ‘ofè Bondié an sakrifis louwanj’ (Éb 13:15).
Lè’w ka chanté. Chanté sé kantik-la épi tout tjè’w (Sm 147:1). Pétèt ou pé ké ni lokazion réponn adan chak réyinion, sirtou si’w adan an gran lasanblé. Men antouléka, ou ké pé chanté sé kantik-la. Menm si ou ka pansé ou pa sa chanté, lè’w ka fè tousa ou pé, asiréman, Jéova kontan ! (2Ko 8:12). Ou pé répété sé kantik-la bò kay-ou pou préparé kòw.
Gadé VIDÉWO-a Zoom sur notre histoire : Les cantiques, des cadeaux précieux (1re partie). Apré mandé :
An koumansman listwa sé Témwen Jéova-a lépòk-nou, chanté louwanj ba Jéova té vréman enpòwtan adan ladorasion-an. Kisa ka montré sa ?
8. Létid biblik lasanblé-a
(30 min) bt chap. 9 § 1-7, prèmié pawòl mòso 3-a épi kad-la p. 70.