6-12 MÉ
SÒM 36-37
Kantik 87 épi lapriyè | Pawòl pou koumansé (1 min)
1. « Pa faché akòz di moun ka fè méchansté »
(10 min)
Sé méchan-an ka fè nou soufè (Sm 36:1-4 ; w17.04-F 10 § 4).
An lòt bagay ki ka fè nou ditò, sé rété an kolè kont « moun ka fè méchansté » (Sm 37:1, 7, 8 ; w22.06-F 10 § 10).
Lè nou ni konfians adan pwonmès Jéova, nou ka ni lapé an tjè-nou (Sm 37:10, 11 ; w03-F 1/12 13 § 20).
MANDÉ KÒW : « Adan nouvèl, lè man ka tann moun ka fè méchansté, ès sa ka aji anpil anlè mwen ? »
2. Trézò èspiritièl
(10 min)
Sm 36:6 : Kisa matjè sòm-lan dwèt té lé di, lè i palé di jistis Jéova kon « montann ki wo épi solid » ? (it-2-F 341 § 7).
Ki trézò èspiritièl ou touvé adan lèkti Labib-la simenn-tala ?
3. Lèkti Labib-la
(4 min) Sm 37:1-26 (th lison 10).
4. Koumansé an ti-kozé
(3 min) KAY AN KAY (lmd lison 1 pwen 5).
5.Kontinié an ti-kozé
(4 min) TÉMWAYAJ LÈ’W NI LOKAZION. Pwopozé an moun ki pa té lé étidié avan an létid biblik. (lmd lison 9 pwen 4).
6. Diskou
(5 min) ijwbv-F 45. Tèm : Ki sinifikasion Sòm 37:4 ? (th lison 13).
Kantik 33
7. Ès ou ka préparé kòw pou sianka « tan malè » rivé ?
(15 min). Diskision.
Toupatou asou latè, lè i ni katastwòf natirèl ouben katastwòf palakòz lézòm, frè é sè-nou ka pèd sa yo ni, ouben pli rèd ankò, moun yo enmen (Sm 9:9, 10). Malérèzman, jou malè pa ni prangad. « Tan malè » pé tonbé anlè tout moun. Kidonk, nou chak la pou paré kònou pou sianka.
Anplis di préparé bagay matérièla, kisa kèy endé nou lè ni an katastwòf ?
Préparé lèspri’w : Mété an tèt-ou sé an bagay ki pé rivé, é réfléchi asou manniè-a pou réyaji. Pa ba sa’w ni twòp lenpòwtans, konsa ou kèy réyaji épi sajès. Ou kèy chèché sové lavi’w épi ta lézòt pito ki sa ou ni (Jé 19:16 ; Sm 36:9). Anplis di sa, apré an katastwòf, si’w ka vini pèd sa ou ni, sa ké pli fasil ba’w asèpté sitiyasion’w (Sm 37:19).
Préparé kòw èspiritièlman : Toujou ni konfians ki Jéova kapab épi i lé pran swen di’w (Sm 37:18). Pa jen bliyé ki Jéova toujou ka djidé épi soutienn sèvitè’y, menm lè tousa ki rété yo ‘sé lavi-yo’ (Jr 45:5 ; Sm 37:23, 24).
Lè nou asiré Jéova ké réyalizé pwonmès-li, i ka vini ba nou an ‘fòtrès an tan malè’ (Sm 37:39).
Gadé VIDÉWO-a Ès ou paré pou sianka… Apré mandé :
Lè ni an katastwòf, koumanniè Jéova pé endé nou ?
Kisa nou pé fè pou paré kònou ?
Ki manniè nou pé endé frè é sè-nou ki sibi an katastwòf ?
8. Létid biblik lasanblé-a
(30 min) bt chap. 9 § 8-16.