27 MÉ – 2 JWEN
SÒM 42-44
Kantik 86 épi lapriyè | Pawòl pou koumansé (1 min)
1. Annou bien sèvi fòwmasion-an Jéova ka ba nou
(10 min)
Annou pwofité chak lokazion nou ni di adoré Jéova épi dòt frè é sè. É tout tan sa posib, annou alé lasal, olié nou pran réyinion-an lakay-nou (Sm 42:4, 5 ; w06-F 1/6 9 § 4).
Annou priyé Jéova avan nou étidié Labib (Sm 42:8 ; w12-F 15/1 15 § 2).
Annou kité sé vérité Labib-la djidé nou adan tousa nou ka fè (Sm 43:3).
Gras a fòwmasion-an Jéova ka ba nou, nou ni lafòs sipòté sé léprèv-la épi lafòs tjenn pwonmès-la nou fè’y di sèvi’y pou létèrnité (1Pi 5:10 ; w16.09-F 5 § 11-12).
2. Trézò èspiritièl
(10 min)
Sm 44:19 : Lè matjè sòm-lan ka di « la sé chakal-la ka rété », di kisa i ka palé ? (it-1-F 417).
Ki trézò èspiritièl ou touvé adan lèkti Labib-la simenn-tala ?
3. Lèkti Labib-la
(4 min) Sm 44:1-26 (th lison 11).
4. Koumansé an ti-kozé
(4 min) KAY AN KAY. Pwopozé an létid biblik (lmd lison 5 pwen 5).
5. Kontinié an ti-kozé
(5 min) KAY AN KAY. Envité moun-lan kouté pwochen diskou piblik la. Gadé vidéwo-a Kisa ki ka pasé andidan an Sal di Wayòm ?, apré diskité asou vidéwo-a épi moun-lan (lmd lison 7 pwen 5).
6. Diskou
(3 min) lmd apendis A pwen 4. Tèm : An jou, tout moun kèy ni an santé pawfé (th lison 2).
Kantik 21
7. Pran désizion ki saj lè’w ka chwazi ki létid épi ki travay ou kèy fè
(15 min). Diskision.
Ès ou ka katjilé asou sa ou kèy fè apré lanné lisé’w ? Pétèt ou za ka sonjé fè an travay ki ké pèwmèt ou vini pionié. Ouben ou ka katjilé asou an fòwmasion ki ké pèwmèt ou aprann fè an bagay, ouben trapé an diplòm pou touvé an travay konsa. Mi an bèl moman adan lavi’w ! Magré sa, délè, épi tout posibilité ou ni, ou pa sav sa pou fè, ouben ou ka santi kòw oblijé pran an désizion pou fè moun plézi. Alò, kisa ki ké endé’w pran désizion ki saj ?
Li Matié 6:32, 33. Apré mandé :
Poutji sé an bon bagay sav ègzaktiman ki lòbjèktif èspiritièl ou lé atenn avan pran désizion ki enpòwtan, kontèl chwazi ki létid épi ki travay ou kèy fè ?
Ki manniè lé paran pé endé yich-yo fè sa ki matjé adan Matié 6:32, 33 ? (Sm 78:4-7).
Prangad pa kité lanvi ni anlò lajan ouben vini popilè ni an lenfliyans anlè désizion’w (1Jn 2:15, 17). Sonjé ki lè an moun ni anpil lajan, souvan sa pli difisil ba’y aksèpté mésaj Wayòm-lan (Lk 18:24-27). Si an moun ka travay rèd pou vini rich, sa kèy rèd ba’y ni an lafwa ki fò épi fè Jéova plézi (Mt 6:24 ; Mk 8:36).
Gadé VIDÉWO-a Pangad, pa mété konfians-ou adan bagay ki kay disparèt : Larichès. Apré mandé :
Ki manniè Pwovèb 23:4, 5 pé endé’w pran dé désizion ki saj ?
8. Létid biblik lasanblé-a
(30 min) bt chap. 10 § 5-12.