7-13 ÒKTÒB
SÒM 92-95
Kantik 84 épi lapriyè | Pawòl pou koumansé (1 min)
1. Pli bon bagay ou pé fè adan lavi’w, sé sèvi Jéova !
(10 min)
Jéova mérité nou adoré’y (Sm 92:1, 4 ; w18.04-F 26 § 5).
I ka endé sèvitè’y fè bon chwa épi ni lajwa (Sm 92:5 ; w18.11-F 20 § 8).
Menm lè yo ka pran laj, sèvitè’y ni anpil valè ba’y (Sm 92:12-15 ; w20.01-F 19 § 18).
MANDÉ KÒW : « Kisa ki ka anpéché mwen ba Jéova lavi-mwen épi pran batenm ? »
2. Trézò èspiritièl
(10 min)
Sm 92:5 : Ki manniè nou ka wè sajès Jéova adan sé pawòl-tala ? (cl-F 211 § 18).
Ki trézò èspiritièl ou touvé adan lèkti Labib-la simenn-tala ?
3. Lèkti Labib-la
(4 min) Sm 94:1-23 (th lison 5).
4. Koumansé an ti-kozé
(4 min) TÉMWAYAJ LÈ’W NI LOKAZION. Chèché an lokazion pou èsplitjé an moun aktivité lansèyman-an nou ka fè a (lmd lison 5 pwen 3).
5. Kontinié an ti-kozé
(3 min) TÉMWAYAJ LÈ’W NI LOKAZION. Pwopozé an moun ki pa té lé étidié avan, men ki entérésé, an létid biblik (lmd lison 8 pwen 4).
6. Fè an létid biblik
(5 min) Ou ka diskité épi an étidian Labib ki pa ka pwogrésé (lmd lison 12 pwen 5).
Kantik 5
7. Lè langwas ka malmennen sé jenn-lan
(15 min). Diskision.
Menm sèvitè Jéova konnèt sa ki lentjétid épi langwas. Pa ègzanp, sa rivé David pliziè fwa adan lavi’y, é sé osi sa frè é sè-nou jòdi-jou ka viv (Sm 13:2 ; 139:23). Malérèzman menm sé jenn-lan ka pri an sa osi. Délè langwas-la tèlman fò anlè yo, ki menm dé bagay yo ni labitid fè kontèl alé lékòl ouben alé adan sé réyinion lasanblé-a, ka vini an mòn ba yo. Langwas-la pé menm fè an moun fè kriz panik épi ba’y lanvi tjwé kòy.
Zòt sé jenn-lan, si zòt ka santi zòt vréman angwasé, mandé paran-zòt ouben an krétjen ki mi endé zòt. Anplis di sa, kouri obò Jéova pou i ba zòt an pal (Fl 4:6). Asiré i kèy endé zòt (Sm 94:17-19 ; Iz 41:10). Ès zòt ka sonjé listwa Steing ?
Gadé VIDÉWO-a Jéova pran swen di mwen. Apré mandé :
• Ki vèsé adan Labib ki endé Steing, é poutji ?
• Ki manniè Jéova pran swen di Steing ?
Zòt sé paran-an, pou endé timanmay-zòt jéré angwas-li, fòk zòt kouté’y épi pasians, fòk zòt montré’y zòt enmen’y épi endé’y ni plis konfians an lanmou Jéova (Tt 2:4 ; Jk 1:19). Apiyé anlè Jéova pou i konsolé zòt épi ba zòt fòs-la pou soutienn timanmay-zòt.
Nou pa oblijé sav lè an moun adan lasanblé-a ka soufè pas i vréman angwasé, é nou pa oblijé konprann non pli kisa i ka risanti. Men sa nou pé fè, sé soutienn tout moun adan lasanblé-a pou yo wè nou enmen yo épi nou ka aksèpté yo (Pw 12:25 ; Éb 10:24).
8. Létid biblik lasanblé-a
(30 min) bt chap. 16 § 6-9 épi kad-la p. 132.