18-24 NOVANM
SÒM 107-108
Kantik 7 épi lapriyè | Pawòl pou koumansé (1 min)
1. « Di Jéova mèsi pas i bon »
(10 min)
Toukon Jéova délivré Izrayèl anba lanmen Babilòn, i délivré nou di monn Satan-an (Sm 107:1, 2 ; Kl 1:13, 14).
Rikonésans-nou ba Jéova ka fè nou louwé’y adan lasanblé-a (Sm 107:31, 32 ; w07-F 15/4 20 § 2).
Rikonésans-nou ba Jéova pé grandi si nou ka pran tan katjilé asou tousa i fè ba nou épi lanmou (Sm 107:43 ; w15-F 15/1 9 § 4).
2. Trézò èspiritièl
(10 min)
Sm 108:9 : Pou ki rézon pétèt yo ka di ki Moab sé ‘kivèt-la oti [Bondié] ka benyen kòy’ ? (it-2-F 303 § 5).
Ki trézò èspiritièl ou touvé adan lèkti Labib-la simenn-tala ?
3. Lèkti Labib-la
(4 min) Sm 107:1-28 (th lison 5).
4. Koumansé an ti-kozé
(3 min) TÉMWAYAJ LÈ’W NI LOKAZION (lmd lison 1 pwen 4).
5. Kontinié an ti-kozé
(4 min) TÉMWAYAJ LÈ’W NI LOKAZION. Di moun-lan i pé ni an létid Labib épi ba’y an kat « létid biblik » (lmd lison 9 pwen 3).
6. Diskou
(5 min) ijwyp 90-F. Tèm : Koumanniè arété ni pansé négatif ? (th lison 14).
Kantik 46
7. Annou chanté bien fò pou di Jéova mèsi
(15 min). Diskision.
Douvan lanmè Wouj la, Jéova délivré sé Izrayélit-la ki té pè gwo lawmé sé Éjipsien-an. Yo di Jéova an bèl mèsi épi an chanté (Èg 15:1-19). Sé sé nonm-lan an prèmié ki koumansé chanté nouvo chanté-tala (Èg 15:21). Jézi épi sé prèmié krétjen-an té ka chanté louwanj ba Bondié osi (Mt 26:30 ; Kl 3:16). Jòdi-a osi, adan sé réyinion-an, épi adan lasanblé siwkonskripsion épi lasanblé réjionnal, nou ka chanté pou montré Jéova rikonésans-nou. Pa èkzanp, kantik-la « Merci, Jéhovah » nou fini chanté a, adan réyinion-nou régilièrman dépi 1966.
I ni dé koté, sé nonm-lan jennen chanté douvan moun. Avrédi, sa pé rivé nonm kon fanm wont chanté, pas ba yo, vwa-yo pa bèl. Men fòk pa nou oubliyé ki chanté adan réyinion-nou sé an manniè adoré Bondié. Lòwganizasion ka travay rèd pou fè dé bèl ti kantik épi pou chwazi kilès nou kèy chanté adan chak réyinion. Sa ki rété nou pou fè, sé sa ki pli fasil : lianné vwa-nou pou lésé tjè-nou palé, épi chanté lanmou-nou épi rikonésans-nou ba Papa-nou ki an sièl-la.
Gadé VIDÉWO-a Zoom sur notre histoire : Les cantiques, des cadeaux précieux (2e partie). Apré mandé :
Kisa ki fèt an 1944 ?
An Sibéri, ki manniè frè é sè-nou montré yo té enmen chanté sé kantik-la ?
Poutji chanté sitèlman enpòwtan ba sé Témwen Jéova-a ?
8. Létid biblik lasanblé-a
(30 min) bt chap. 18 § 6-15.