Partajé épi lézòt sa’w ka aprann adan létid pèrsonèl ou

Étidié Labib pé viré ba nou lafòs. Men sa ki pé ba nou plis fòs ankò, sé lè nou ka partajé épi lézòt sé trézò èspiritièl la nou touvé. Pwovèb 11:25 ka di : « Moun-lan ki ka ba lézòt brè, kéy ni kont brè’y osi. »

Lè nou ka partajé épi lézòt sa nou ka aprann, sa ka endé nou ritienn pli fasilman, épi konprann pli mié sa nou étidié a. É davwè sé trézò-tala pé itil ba yo osi, sa ka fè nou plézi palé di sa épi yo (Akt 20:35).

Éséyé sa : Adan simenn-lan ka vini an, chèché lokazion partajé sa’w aprann lan épi an moun. Pétèt épi an moun lafanmi’w, an moun lasanblé’w la, an kolèg, an kanmarad lékòl, an vwazen oben an moun ou ké jwenn an prédikasion. Palé an manniè senp, klè épi sèvi mo ki ta’w.

Sonjé sa : Lè’w ka partajé épi lézòt sa’w ka aprann, sé pou ankourajé yo, pa pou bat lèstonmak-ou (1 Kor. 8:1).