Ès Témwen Jéova ka kwè an Jézi ?

Wi, nou ka kwè an Jézi. « [I] sé chimen-an, [...] lavérité èk lavi-a. Pèsonn pé pa alé pa koté Papa-a, san pasé pa [li] yonn » (Jan 14:6). Nou ka kwè Jézi désann di sièl-la pou vini asou latè é i ba lavi’y pawfé an sakrifis pou sové limanité (Matié 20:28). Gras a lanmò’y é larézirèksion’y, sa kay posib viv pou létèrnité — sèlman si nou ka montré nou ni lafwa an li (Jan 3:16). Nou ka kwè osi ki jòdi-jou Jézi Wa wayòm Bondié ki an sièl, talè wayòm-tala kay mété lapé anlè tout latè-a (Révélasion 11:15). Mé, Jézi bien di : « Papa-a pli gran pasé mwen » (Jan 14:28). Kidonk, sé pa li ki Bondié Tou-Puisan an. Sé poutji nou pa ka adoré’y.