LISON 4

Vèsé bien mennen

Matié 22:41-45

KISA POU FÈ : Avan’w li an vèsé Labib, paré lèspri sé moun-lan pou yo kouté.

Montré poutji ou pran vèsé-tala. Bien mennen chak vèsé an manniè pou sé moun-lan wè ki lidé enpòtan ou lé mété douvan.

Sonjé gadé vèsé ki oliwon. Lè’w ka di ki moun ka palé ouben ki moun ki ékri an liv Labib pa twonpé kòw.
Montré sé Labib ka mennen. Lè’w ka palé ba moun ka kwè an Bondié, fè yo wè Labib kon « Pawòl Bondié », pou montré yo ki sé pli bon sous sajès ki ni.
Ba moun lanvi li vèsé-a. Pozé an kèsion éti ou kay touvé répons-lan adan vèsé-a, palé di an pwoblèm vèsé-a ka endé réglé, oben ba an prensip vèsé-a ka mété douvan.

Tjenn kont di sa sé moun-lan ja sav anlè vèsé-a, épi anlè lidé-a ou lé èsplitjé. Mennen vèsé-a an bèl manniè, menm si sé moun-lan bien konnèt li, épi endé yo konprann li kon yo pa janmen wè’y.