Ba moun-lan lanvi kouté’w

Prensip : « An pawòl yo di bon lè-a, sé pa ti dous i dous ! » (Pwo. 15:23).

Ki manniè Filip té ka fè ?

Filip, évanjélizatè-a, ka palé épi an Étiopien ki ka li an woulo, asiz adan an charèt.

VIDÉWO : Filip épi an fonksionnè étiopien

1. Gadé VIDÉWO-a ouben li Akt 8:30, 31. Apré, katjilé anlè sé kèsion-tala :

Koumanniè Filip koumansé konvèsasion-an ?
Poutji nou pé di Filip koumansé konvèsasion-an bon manniè-a ? É ki rézilta sa ba ?

Kisa lègzanp Filip ka aprann nou ?

2. Pou moun-lan santi kòy alèz épi aksèpté diskité, kité konvèsasion-an woulé natirèlman.

Pou fè kon Filip...

3. Fòk ou òbsèvatè. Fidji moun-lan épi manniè i ka fè ka ba’w an patjé enfòmasion. Ès ou ka santi moun-lan lé diskité ? Ou pé koumansé palé anlè Labib konsa : « Ès ou té sav… ? » Si ou ka santi moun-lan pa anvi palé épi’w, pa fòsé’y.

4. Fòk ou pasian. Ou pa oblijé palé di Labib lamenm. Simié ou kité bagay-la fèt natirèlman. Délè, ou kèy ni pou atann pwochen fwa-a pou palé di Labib.

5. Adapté kòw. É si moun-lan ka palé di an lòt bagay ? Menm si ou té lé palé asou an kèsion ou té chwézi, aksèpté palé asou an lòt kèsion biblik ki ka entérésé’y.

GADÉ SÉ VÈSÉ-TALA OSI

Ékl. 3:1, 7 ; 1 Kor. 9:22 ; 2 Kor. 2:17 ; Kol. 4:6