Palé épi kouraj

Ki manniè Jézi té ka fè ?

VIDÉWO : Jézi ka préché ba Zaché

1. Gadé VIDÉWO-a ouben li Lik 19:1-7. Apré, katjilé anlè sé kèsion-tala :

1. Poutji té ni moun ki pa té lé ni afè épi Zaché ?

2. Kisa ki fè Jézi palé ba’y kanmenm ?

Kisa lègzanp Jézi ka aprann nou ?

2. Fòk nou ni kouraj pou préché mésaj Wayòm-lan san fè préférans.

Pou fè kon Jézi…

3. Apiyé anlè Jéova. Lèspri sen ba Jézi lafòs, é i ké ba’w lafòs tou (Mat. 10:19, 20 ; Lik 4:18). Mandé Jéova ba’w kouraj préché ba tout moun, menm ba sé moun-lan ki ka fè’w pè (Akt 4:29).

4. Pa jijé moun-lan avan konnèt li. Délè, sa ki pé blotjé’w, sé aspé moun-lan, travay-la i ka fè a, manniè-a i ka viv la, oben rèlijion’y lan. Men toujou sonjé :

1. Sé Jéova épi Jézi ki pé wè sa ki an tjè moun-lan, pa wou.

2. Pa ni an moun Jéova pé pa endé.

5. Fòk ni kouraj, men osi pran prékosion épi palé épi rèspé (Mat. 10:16). Pa fè kankan. Si moun-lan pa lé kouté ouben ka lévé-faché, sispann ti-kozé a men fè’y épi dousè (Pwo. 17:14).