Rété doubout toupannan lafen-an ka vini

POUTJI SA ENPÒWTAN : Adan an ti moman, kon sa pa jen fèt, évènman térib épi éfréyan kay vini tèsté kouraj-nou épi konfians-nou an Jéova. Gran tribilasion-an kay koumansé lè fo rèlijion-an kay détwi (Mt 24:21 ; Rv 17:16, 17). Pandan périòd dézòd-tala, pétèt nou ké pou préché an mésaj kondanasion ki ka frapé (Rv 16:21). Gòg di Magòg kay ataké nou (Él 38:10-12, 14-16). Alò, pou défann pèp-li, Jéova kéy pwovotjé « ladjè gran jou Bondié Toupuisan-an » (Rv 16:14, 16). Pou kouraj-nou pli fò parapòt a sa ki ka vini, nou pou rété doubout douvan éprèv lafwa-nou ka sibi dépi atjèlman.

KI MANNIÈ POU FÈ :

• Défann épi kouraj lwa moral Jéova ki wo (Iz 5:20).

• Kontinié adoré Jéova ansanm épi frè é sè’w (Éb 10:24, 25).

• Suiv épi bon tjè larèl lòwganizasion Jéova ka ba’w (Éb 13:17).

• Fè lèspri’w travay asou manniè Jéova sové pèp-li antan lontan (2 Pi 2:9).

• Prédié Jéova èk fè’y konfians (Sm 112:7, 8).

GADÉ VIDÉWO-A DES ÉVÈNEMENTS QUI DEMANDERONT DU COURAGE (EXTRAIT), APRÉ RÉPONN SÉ KÈSION-TALA :

• 

  Lè yo papiyé pwoklamatè an lasanblé adan pliziè dòt, ki manniè sa tèsté lobéyisans-yo ?

• 

  Ki rapò ki ni ant kouraj épi lobéyisans ?

• 

  Poutji fòk nou kay ni kouraj lè Awmagédon kay rivé ?

• 

  Ki listwa Labib ki pé rann lafwa-nou pli fò adan puisans Jéova ni pou sové nou ? (2 Kw 20:1-24).