Èsplitjé lidé mèt épi lèkzanp

Lé nou ka viré wè an moun ouben lè nou ka fè an létid biblik, nou pou endé moun-an pou i bien konprann sé lidé mèt-la. Lè nou ka pran lèkzanp pou èsplitjé sé lidé mèt-la, nou pé touché tjè’y épi endé’y sonjé yo pli mié.

Lè ou ka paré kòw pou viré wè an moun ouben pou fè an létid, chèché sé lidé mèt-la (é pa sé détay-la) ou lé èsplitjé épi lèkzanp. Apré chwézi dé lèkzanp ki senp, bagay lavi touléjou (Mt 5:14-16 ; Mk 2:21 ; Lk 14:7-11). Lè’w ka fè sa, tjenn kont di sitiyasion épi otjipasion moun-an (Lk 5:2-11 ; Ja 4:7-15). Lè ou kéy wè zié moun-an ka kléré pas i bien konprann an lidé, ou kéy kontan menm.

GADÉ VIDÉWO-A POU RISANTI LAJWA FÈ DISIP, ANNOU VINI PLI FILÉ LÈ NOU KA : ÈSPLITJÉ LIDÉ MÈT ÉPI LÈKZANP, APRÉ RÉPONN SÉ KÈSION-TALA :

• 

  Poutji an moun ka étidié pé ni bizwen yo endé’y pou konprann an vèsé Labib ?

• 

  Épi ki lèkzanp Nita rivé èsplitjé vérité-a adan Women 5:12 ?

• 

  Ki wòl an lèkzanp bien chwézi pé ni anlè an moun ?

• Lè nou ka préché, poutji sa bon sèvi sé vidéwo-a épi sé lézòt zouti-a lòwganizasion ka ba nou pou nou ansénié ?