Réyinion pou laprédikasion : konsèy pratik

Kon tout sé réyinion lasanblé-a, réyinion pou laprédikasion sé an dispozision Jéova pou yonn pòté lòt a lanmou épi fè bèl aksion (Éb 10:24, 25). An réyinion pou laprédikasion pou pran ant 5 épi 7 minit. Adan sa, i ni lòwganizasion sé gwoup-la, distribision sé téritwè-a épi lapriyè. (Si réyinion-tala fèt apré an lòt réyinion, i pou ankò pli kout.) Frè-a ki ka mennen réyinion-an pou préparé an lidé pratik pou sé frè é sè-a ki ka préché jou-tala. Kontèl, lé sanmdi, lè anlo pa préché dépi lòt wikenn-lan, sa té ké bon pran tan gadé sa pou di an manniè senp. Asou kisa ou pé palé ankò pou’w pé bien préparé sé pwoklamatè-a ?

• An lidé pou kozé, ou pran adan Kayé pou réyinion Lavi an krétjen épi ministè.

• Manniè ou pé sèvi an bagay ki fini pasé ouben an nouvèl laktialité pou koumansé an bokantaj-pawòl.

• Manniè ou pé réponn an pawòl ki pé frennen’w.

• Manniè ou pé réponn an moun ki pa ka kwè an Bondié, an moun ki évolisionis, an moun ka palé an lòt lang ouben an moun ki ni an rèlijion yo pa djè konnèt adan réjion’w.

• Manniè ou pé sèvi zouti ki ni anlè jw.org, adan JW Library^® ouben adan Labib-la.

• Manniè ou pé sèvi an bagay adan bwèt zouti-a pou ansénié.

• Manniè ou pé pran pa adan an aktivité prési adan ministè-a, kontèl laprédikasion pa téléfòn ouben pa kourié, témwayaj piblik, « lè’w viré vini » ouben an létid biblik.

• Manniè pou sonjé lasékirité, pran labitid adapté kòw, rété pozitif, lapolitès épi dòt bagay konsa.

• An lison ouben an vidéwo anlè bwochi-a Vini pli filé lè’w ka li épi ansénié.

• Manniè ou pé ankourajé épi endé pwoklamatè-a, ou ka préché épi’y la.

• An vèsé ki ni rapò épi laprédikasion ouben an lèspérians laprédikasion ki ka ba lafòs.