Ki lòbjèktif an sè sé pé ni ?

Sa sé sè-a ka pòté ba travay Wayòm-lan ni anpil valè (Sm 68:11). Sé yo ka mennen plis létid biblik. An patjé plis pionié pèwmanan, sé dé sè. I ni milié sè ki ka travay rèd kon bétélit, misionnè, volontè ouben sèvitè pou konstriksion, ouben tradiktè. Sè ki ni lèspérians ka ba lafanmi-yo épi lasanblé-yo bon lafòs (Pw 14:1). Sa vré an sè pé pa vini ansien ouben asistan, men i pé ni an patjé dòt lòbjèktif. Kilès ?

• Travay bèl kalité èspiritièl (1 Tm 3:11 ; 1 Pi 3:3-6).

• Ba sè ki ni mwens lèspérians bon konsèy (Tt 2:3-5).

• Vini pli filé lè i ka préché épi préché plis.

• Aprann an lang.

• Alé viv adan an réjion oti ni bizwen.

• Plen an dimann pou travay Bétèl ouben pou pran pa adan konstriksion batiman pou ladorasion Jéova.

• Plen an dimann pou fè Lékòl pou évanjélizatè Wayòm-lan.

GADÉ VIDÉWO-A « FANM KI KA TRAVAY RÈD POU SENYÈ-A », APRÉ RÉPONN KÈSION-TALA :

• Kisa ki ka ba’w lafòs adan témwayaj chak sé sè-tala ?