Lison lavi Samièl ka aprann nou

Samièl rété fidèl a Jéova tout lavi’y. Lè i té timanmay, i rifizé suiv mové mès Òfni épi Finéas, sé yich Éli-a (1Sm 2:22-26). Toupandan i té ka vini gran, Jéova té toujou épi’y (1Sm 3:19). Menm lè i vini vié, i kontinié sèvi Jéova épi fidélité, menm si sé yich-li a pa té ka fè kon’y (1Sm 8:1-5).

Kisa lègzanp Samièl ka aprann nou ? Si ou jenn, ou pé asiré Jéova ka konprann difikilté ou ka jwenn épi santiman ou ni. I pé endé’w pran kouraj (Iz 41:10, 13). Si ou sé an paran épi timanmay-ou kité Jéova, pran lafòs adan lidé-tala : lè sé timanmay-li a vini gran, Samièl pa té pé fòsé yo rété fidèl a lalwa Bondié. I kité tout bagay an lanmen Jéova, kifè i rété dwèt épi Jéova papa’y kontinié enmen’y. Pétèt lègzanp-ou kay endé timanmay-ou viré vini obò Jéova.

GADÉ VIDÉWO-A KISA YO KA APRANN NOU ? : SAMIÈL, APRÉ RÉPONN SÉ KÈSION-TALA :

• 

  Ki manniè Samièl montré i té ni kouraj lè i té piti ?

• 

  Ki manniè Danny li menm montré i té ni kouraj ?

• 

  Ki lègzanp Samièl ba lè i vini vié ?

• 

  Ki lègzanp paran Danny rivé ba’y ?