Tout léprèv ka fini an lè !

An léprèv, pas i long délè, pé fini pa dékourajé’w. David té sav difikilté i té ni épi wa Sayil té ké fini an jou, èk kon Jéova té pwonmèt li, i té ké vini wa (1Sm 16:13). Lafwa i té ni endé’y pran pasians épi atann Jéova.

Douvan léprèv, pétèt nou ké rivé amiyoré sitiyasion-nou gras a pridans, konésans ouben katjil (1Sm 21:12-14 ; Pw 1:4). Men, menm si nou ka fè tousa nou pé, an akò épi sé prensip Labib-la, i ni pwoblèm ki ké rété. An moman-tala, fodré nou ké ni pasians épi atann Jéova. Talè, Bondié kéy fè tout soufwans-nou disparèt épi « suiyé tout dlo » an zié-nou (Ré 21:4). Ki sé Jéova ki soulajé nou ouben nou soulajé an lòt manniè, nou pé asiré an bagay : tout léprèv ka fini an lè ! É sa, sé an vérité ki ka endé nou tjenbé.

GADÉ VIDÉWO-A AN PÈP INI AN MITAN AN MONN DIVIZÉ, APRÉ RÉPONN SÉ KÈSION-TALA :

• Ki difikilté an konpanyi krétjen li-sid Lézétazini té trapé ?

• Ki manniè yo mété douvan pasians-yo épi lanmou-yo ?

• Kouman yo montré yo rété fiksé anlè bagay « ki pli enpòwtan » ? (Fl 1:10).