An kanpàn èspésial an sèptanm pou koumansé létid biblik

An sèptanm, nou kèy fè tousa nou pé pou pwopozé an létid Labib anlè bwochi-a Viv an bèl lavi pou toujou ! Nou kèy ni laposibilité pran sèvis pionié òksiliè pou 30 lè. Ki manniè sa kèy pasé ?

• Pandan prèmié kozé-a : Sèvi dènié paj bwochi-a pou lévé lentéré moun-lan, épi apré éséyé koumansé an létid Labib. Pa oubliyé pwopozé tout sé moun-lan ki entérésé an létid Labib, pa ègzanp sé moun-lan ou té ni labitid vizité avan. Menm si yo pa té lé étidié avan, pétèt nouvo métòd-la asou bwochi-a kay entérésé yo. Nou pé ké kité bwochi-a lè pa ni pèsonn an kay-la, ni vréyé’y pa lèt ba moun ki pa entérésé. Pandan mwa-tala komité sèvis lasanblé-a pé désidé mété plis réyinion pou laprédikasion.

• Sa ki posib ankò : Si sanblé’w la ka sèvi prézantwè, préparé yonn épi bwochi-a Viv an bèl lavi pou toujou ! anlè’y. Si an moun entérésé, èsplitjé’y ki épi bwochi-a nou ka pwopozé an létid biblik gratui. Koumansé létid-la lamenm ouben pran an randévou épi moun-lan. Rèsponsab prédikasion-an pé mandé yonn-dé pwoklamatè ki filé, alé koté ki ni magazen épi biwo pou pwopozé létid Labib. Pa pè pwopozé kolèg travay-ou ouben moun ou ka jwenn an chimen an létid osi.

Jézi ba nou mision ‘fè disip’ épi ‘ansénié yo’ (Mt 28:19, 20). Nou ka èspéré nou ké rivé atenn òbjèktif-tala, gras a kanpàn-lan anlè bwochi-a Viv an bèl lavi pou toujou !