Lasajès épi sèlman an klik asou jw.org

Pawòl Bondié ka ba nou ‘tousa nou ni bizwen’ pou sipòté sé « dènié jou-a » (2Tm 3:1, 16, 17). Magré sa, délè, adan sitiyasion bien prési, nou bouzwen an pal pou touvé sé prensip Labib-la nou pou aplitjé. Kontèl, ès ou ka chèché konsèy asou manniè pou élivé timanmay ? Ès wou ki jenn, ou ka jwenn sitiyasion ka tèsté lafwa’w ? Ès lanmò mari’w oben madanm-ou ka fè’w soufè ? Asou jw.org, ou kèy touvé enfòwmasion détayé anlè prensip Labib ki itil pou tjenbé doubout douvan sé kalté sitiyasion-tala, é dòt ankò (Pw 2:3-6).

Asou paj akèy jw.org, alé asou ANSÈYMAN LABIB (gadé zimaj 1-lan). Adan lis-la ka défilé a, chwazi an gwoup. Oben, chwazi BIBIYOTEK > GWOUP AWTIK, épi an gwoup (gadé zimaj 2-a). Ou pé touvé sé menm gwoup-tala anlè JW Library^®a. Asou jw.org, ou pé chwazi yonn adan sé dé chimen-tala pou touvé sé diféran awtik-la. An lòt manniè ou pé fè ankò, sé sèvi kad richèch-la.

Adan ‘chèché’, tapé sé tèm-lan ki ka vini an, épi matjé sé awtik-la ou té ké enmen li a :

• Élivé timanmay

• Ladéprésion kay jenn

• Lanmò an konjwen