Annou préparé kònou dépi aprézan pou sianka ni an irjans médikal

Poutji sa nésésè ? Nenpòt ki moun pé touvé kòy douvan an irjans médikal oben pé rantré lopital. Sa pé anni tonbé anlè’w blogodo. Sé pou sa, dépi aprézan, fòk ou préparé kòw pou’w pwofité di sa ki a dispozision’w pou risivwè méyè swen ki ni. Si’w fè sa, ou ké montré ou ni rèspé ba lavi-a épi ba lwa Jéova asou san-an (Ak 15:28, 29).

Ki manniè préparé kòw ?

• Prédié épi bien pran tan’w pou ranpli an kat Instructions médicales/Désignation d’une personne de confiance (kat DPA)a. An pwoklamatè ki batizé pé trapé an kat DPA an lanmen frè-a ki ka ba sé piblikasion-an. Si’y ni timanmay ki pa majè, i pé mandé an Attestation individuelle (kat ic).

• An pwoklamatris ki ansent kay mandé sé ansien-an papié-a Informations pour les femmes enceintes (S-401). Dokiman-tala kèy endé’y pran bon désizion sianka i trapé pwoblèm épi gwosès-li ouben pandan akouchman-an.

• Si’w pou rantré lopital oben ou adan an sitiyasion éti yo ka palé’w di pran san, di sé ansien-an sa alavans épi fè sé moun-lan ka travay lopital-la sav ou té ké enmen risivwè vizit an riprézantan sé Témwen Jéova-a.

Ki manniè sé ansien-an pé endé’w ? Sé ansien-an pé endé’w ranpli kat DPA’w. Men, yo pé ké pran piès désizion asou santé’w alaplas-ou. Yo pé ké di’w non pli sa yo ka pansé asou kèsion éti sé wou ki pou désidé tousèl sa pou fè (Wm 14:12 ; Gl 6:5). Si ou di yo ki, parapòt a santé’w, yo ka palé’w di san, sé ansien-an kèy pran kontak vitman-présé ba’w épi CLH-la (Comité de liaison hospitalier).

Ki manniè CLH-la pé endé’w ? Sé frè CLH-la fòwmé pou endé sé moun-lan ki ka travay adan lasanté épi ba lalwa konprann pozision-nou asou san-an. Yo pé palé épi dòktè-a di tèknik ki pa ka sèvi san. Si sa nésésè, yo pé endé’w touvé an dòktè ki dakò pou sèvi sé tèknik-tala.

GADÉ VIDÉWO-A KOUMAN PRAN BON DÉSIZION ASOU MANNIÈ SÈVI SAN-MWEN ?, APRÉ RÉPONN KÈSION-TALA :

• Kisa ou aprann adan vidéwo-tala ki pé endé’w préparé kòw pou sianka i ni an irjans médikal éti yo sé pé palé’w di pran san ?

  Répons-ou