LAVI AN KRÉTJEN
Annou éséyé konprann sa Bondié ka pansé
Adan tousa nou ka fè, nou lé fè Jéova plézi (Pw 27:11). Pou nou rivé fè sa, fòk sé désizion-an nou ka pran annakò épi pansé’y, menm lè pa ni an lwa prési pou djidé nou.
Pran labitid étidié Labib. Chak fwa nou ka li Labib, sé konsi nou té ka pasé tan épi Jéova. Nou ka aprann sa i ka pansé lè nou ka pran tan gadé manniè i fè épi pèp-li, épi lè nou ka ègzaminé listwa moun ki fè’y plézi oben lapenn. Lè nou pou pran an désizion, lèspri sen pé fè nou sonjé lison épi prensip potalan nou aprann lè nou té ka étidié Pawòl-li (Jn 14:26).
Fè richèch. Avan ou pran an désizion, mandé kòw : « Ki vèsé oben ki listwa adan Labib pé endé mwen konprann sa Jéova ka pansé asou sa ? » Prédié pou mandé Jéova endé’w, épi sèvi sé zouti-a ki disponib adan lang-ou a pou fè richèch. Fè sa kay endé’w touvé épi suiv prensip biblik ki itil adan sitiyasion’w lan (Sm 25:4).
GADÉ VIDÉWO-A, NOU DWÈT « KOURI ÉPI LANDIRANS » : MANJÉ BON MANJÉ, APRÉ RÉPONN SÉ KÈSION-TALA :
Ki kalté présion jenn sè-a nou wè adan vidéwo-a jwenn ?
Lè’w ka jwenn sé kalté présion-tala, ki manniè ou sé pé sèvi sé zouti-a pou fè richèch ?
Ki bienfè nou ka trapé lè nou ka pran tan fè richèch épi étidié pou nou pran bon désizion ? (Éb 5:13, 14).